#

Фера (саргузашт - фантастик қисса)

Бу қиссани номлаётганда “саргузашт” сўзига “фантастик” сўзини хам илова қилаяпман. Аммо, кейин ўйланиб қолдим. Бугун фантастик жанрда кўрингани билан бир кун келиб оддий холатга айланиб қолмасмикан? Ахир Ж.Верннинг “Сув остида саксон минг километр” романини хам ўз даврида фантастик деб қабул қилишгани-ю, йиллар ўтиб бу сув ости кемаси хаётимиздаги оддий кемалардан бирига айланиб қолгани кўпчилигингизга аён. Ўз даврида денгиз остига инсоннинг туша олиши бир мўжизадек кўринганди. Хозир эса, одатий хол. Яқин тарихда хам ойга инсон қадами етиши ёхуд фазога учиши уддалаб бўлмас ишдек хисобланарди. Энди эса бундай парвозларни санашга бармоқларимиз етмайди. Хар холда, воқеалар ривожидан илгарилаб кетмаслик учун “фантастик” сўзига урғу берақолай. Чунки қиссада инсон тасаввурига сиғмас холатлар кўплаб учрайди. Азиз дўстлар имкониятимга қараб хар 2-3 кунда навбатдаги қисмини эътиборингизга хавола этиб бораман.
***
1-қисм. Ер сайёраси вақти билан 2550 йилда Ўзбекистондаги “Галактикалар аро тадқиқот” маркази ходимлари ичидаги бир гурух олимлар мисли кўрилмаган улкан телескоп ясадилар. Телескопга астрономияга асос солган ватандошларидан бўлган буюк олим “Улуғбек” номи берилди. “Улуғбек” телескопигача олимлар бир нечта қудратли заррабинлар яратган бўлсаларда, бу сафаргиси аввалгилардан минг чандон аъло эди. Телескоп “Улуғбек роасадхонаси”га ўрнатилиб, самога тўғрилангандан сўнг фанга номалум бўлган янгиликлар аниқланди. Бир неча йилдан бери самодаги жумбоқларга жавоб тополмаётган Америка ёки Япония олимлари Ўзбектистондаги газета ва журналлардаги мақолалардан ўзлари жавобини қидираётган саволларга жавоб топа бошлашди. Табиийки газетадан ўқиш бошқа-ю, ўз кўзи билан кўриш бошқа. Улар тезда Ўзбекистонга ташриф буюришиб, ўқиганлари чин хақиқат эканига амин бўлишди. Айни шу йилларда Америка ва Япония астрономлари хамкорликда галактикалар аро саёхатни режалаштиришаётган йиллар эди. Аммо, инсоният хали бошқа галактикага ўтишни амалда иложи йўқ деб ўйлар, бунинг учун техника ожиз деб хисоблашарди. Лекин қачондир буни авлодлар амалга оширишлари учун хам тинмай изланишарди. Америка ва Япония хамкорлигидаги “Галактикалар аро саёхат” маркази ходимларидан иккитаси ўзбек олимлари билан самодаги топилмаларни тахлил қилаётиб бир воқеага гувох бўлдилар. Ёш ўзбек олимларидан бири Сарвар Толипов ўз компютерида қандайдир схемаларни яратаётган экан. Улар Сарварнинг схемалари кузатиб тураркан хайратларини яширолмай қолишди:
-Жаноб Сарвар, сиз бунинг имкони бор деб ўйлайсизми?-савол қотди Япониялик Нагата. Сарвар эса хотиржам ўз ишини давом эттираркан кўзини монитордан узмаган холда жавоб қилди.
-Балки хозирги фазовий кемаларда амалга ошириб бўлмас, аммо қачондир харакати ёруғлик тезлигига яқин бўлган кемаларни яратамиз. Ана унда бу схемадан бемалол фойдаланса бўлади. Уларни жим кузатиб турган Жорж хам сухбатга қўшилди.
-Сиз тасвирлаган мана бу икки галактика тўқнашган жойдаги нуқта “қора туйнукми?” Агар бу қора туйнук бўлса парвоз пайти кемани ўз домига тортиб юборадику.
-Йўқ, тортмайди!-кескин рад қилди Сарвар. –Аксинча, унинг йўналишига тушиб қолган жисмларни ўзидан итқитиб юборади.
-Жаноб Сарвар айтмоқчисизки, бу жисм тескари магнит майдонига эга, тўғри тушундимми?
-Бу ерда хеч қандай майдон йўқ. Шунчаки, фазовий ўпқон бор, нариги томонидан ютади-да, бу томонидан туфлаб ташлайди. Икки ажнабий Сарварнинг фикрларидан сўнг тиллари калимага келмай қолди. Хар иккиси хам “қора туйнуклар” хақда ўз фикрларига эга эдилар. Уларнинг фикрлари бошқа олимлар сингари “қора туйнук” сўнган юлдуз, у ўз тортиш доирасига яқинлашган жисмларни ютиб юборади каби тахминлар эди.
-Демак,-тилга кирди Нагата.-Бу қора туйнук эмас, фазовий уюрма яни ўпқон эканда!?
-Майли, уни сиз ўзингизга қулай ном билан атайверинг!-кулиб жавоб қилди Сарвар.-Мен уни “қайтиш йўлакчаси” деб номлаганман. Галактикалар аро сафарга чиқан фазо кемаси шу йўлак орқали Ер сайёрасига қайтса камида 3 йил вақтдан ютади.
-Менга қаранг, -бирдан жонланди Жорж,-сиз қайтиш йўлакчаси деб номлашингизга қараганда, бошқа галактикага ўтиш йўлакчасини хам топган кўринасиз. Тўғри топдимми жаноб Сарвар?
-Ха, юртимизда “Улуғбек” спектроскопик телескопи яратилгач, мен “ўтиш йўлакчасининг тахминий йўналишини хам топдим. Сиз кўриб турган бу схема фазо кемасининг галактикадаги “ўтиш йўлакчаси”га олиб борувчи орбитаси хисобланади. Кема ўтиш йўлагидан тўғри Фера сайёрасига йўл олади. Кузатувларимизга қараганда Фера сайёраси тузилиши жихатдан бизнинг сайёрага жуда ўҳшаш сайёра экан. У ерда хаёт бор, хатто одамлар хам бўлиши мумкин деган ишончли тахминларга эгамиз.
-Ажабо!-хайратини яширолмай қолди ажнабий олимлар.-Бизда хали сиз Фера деб номлаган сайёра хақида тахминлар хам йўқ, сиз эса у ерни аллақачон ўргана бошлабсиз. Нимага асосланиб у ерда одамлар бор деб ўйлаяпсиз?
-Нафақат у ерда, боошқа галактикаларда хам худди ер сингари сайёралар бор, демакки одамлар хам. Бизнинг муқаддас китобимиз Қурони Каримда Аллохни 18 минг олам сарвари дейилган. Мен сизларга бор йўғи иккинчиси хақда гапиряпман. Демак хали ўн етти минг тўққиз юзи тўқсон сакизта ерга ўҳшаш сайёралар бор деб ишониш мумкин.
-Мистика! Аллох фақат ерда!-этироз билдирди япон олими. Сарварнинг юзи тундлашди. У монитордаги тасвирларни хотирага сақлаб, компютерини ўчирди. Столдаги қоғозларини олиб ўрнидан тураркан япон олимига юзланди.
-Менимча сиз учун Фера сайёрасининг борлиги хам бир мистика. Биз эса, у сайёрадаги хаёт тарзини деярли ўрганиб бўлдик. У жойда инсон яшашаи учун барча омиллар етарли. Яхши қолинглар

1 2 »

#Qo'rqinchli voqealar#57#qissa
O'xshash hikoyalar
Ehtirosli.ru   Яндекс.Метрика