#

ПАХТАЗОРДАГИ СИР.

(воқеа қандай бўлган бўлса ана шундай ўзгартирмай айтиб бераман.) Касбим тақазоси билан коллектив билан пахта даласига бир терим сезонга чиққанмиз. Коллективда ёшлар хар хил катта ёшли айоллар хам эркаклар хам бор. Хар куни тушликкача 45 кило тушликдан сўнг 20 кило (чарчаб қоламан) ёки дангасалик қилиб қизларга берилиб кетиб суҳбат гап гаштак ўйин кулгудан чалғиб терим қолиб кетади Кеча оқшом биз ёшлар : учта қиз Халима, Севара ва Раъно йигитлардан мен каминаи камтарин ва Асрор бешаламиз битта эгатдан пахтани қаторма қатор териб хохолаб кулиб териб кетаётсак дабдурусттан Севара “Келинглар бугун овқатдан сўнг дискотека уюштирамиз” деб қолди айниқса айёр ва шўх Асрор ва Халима қийқириб қарсак чалиб халитдан эгатда рақсга тушиб кетишди нисбатан уятчанг Раъно хмм деб қўйди Мен хам ўз телефонимдаги рақсбоп қўшиқларни битталаб жамлаб Асрорнинг машинасининг колонкасига улаймиз дедим, у эса “Зафар ўртоқ нима деябсан таппа тайёр колонка бор кеча нариги шийпондан арендага олгандим “ деса бўладими Мана қайсар Севара аллақачон режани пишитиб қўйган экан Шу сабаб кечга хаммадан кам пахта териб (Тўғри Раъно хаммамиздан кўпроқ пахта терибди) қақур қуқур кулишиб баракка қайтдик. Қизлар қағалашиб аёллар бўлмасига биз Асрор ва мен эркаклар бўлимга кирдик. Кечки овқатни апил тапил еб бўлиб рақсбоп мусиқаларни тайёрлаб барак ёнида ажойиб саҳна тайёрладик аксига олиб идиш товоқ юваётган аёллар ва эркаклар хам бизга қўшилиб ўйнай кетишди Оломон ичида хамма қувноқ ва қайноқ кайфиятдамиз Шу аснода кечки соат 22 гача ўйнаб кулиб ўтиргандик кўчма дўкондан пепси кола ва ширинлик олдик Асрор Халимани ёқтирарди шу сабаб иккиси пахта даласи ёнидаги катта кран томонда гаплашиб турган эдилар мен томонга қараб Севара дод солиб югуриб келди
— Зафар! Раънони тўхтат! – деб бақирди аввалига оғзимда чайнаётган шоколадимни бир амаллаб ютарканман энг биринчи калламга келган нарса “ Эй Худо шу ерда хам Мистика мени таъқиб этаябди!” деган ҳаёл келди рости Ва шундоқ Севара томон бориб
— Нима бўлди, десам. қиз тинмай дағилаб пахта даласи тарафни кўрсатади Мен хам қўрқдим аммо қиз болани олдида қўрқувимни яшириб шартта дала бўйлаб чопа кетдим энг қизиғи Халима билан Асрор йўқ. Фақат мен ва орқамдан изиллаб келаётган Севара Раънога таҳминан етмиш қадамлардан кейин ана у тут ва олма аралаш дарахтлар қатор ўсган сўқмоқ йўлда етиб олдим. Ортимдан Севара анча орқада қолиб кетган. Раъно эгнида бугун дискатекага атай кийган топ тоза қирмизи кўйлак оёғида шиппакчаси
охиста кетиб борарди Аммо калламда фақат бир савол қийнайди “ Кеппа кечаси ёш қиз қоронғу пахтазор бўйлаб қаёққа кетаябди?!!” Аниқ биламан бу қиз аввалдан калласи сал бошқачароқ Мана кеча тонг пайти осмонда тарам тарам булутларни кўриб Севара “қуш пати” деди, Асрор “ракета тутуни “ деди Халима “чанг” деди мен хам бўш келмай “самовий трасса” десам, Раъно шундай қараб “Бу бизни Жаннатга элтувчи кўприк” деса бўладими Шу шу бу қиздан чўчиброқ муамала қилаётгандим Мана энди кўзлари катта катта очиқ номаълум қора бўшлиққа қараб тикилганича кетиб бораябди Рости, дўстлар жуда қўрқдим! У хам ғалати пишилаб нафас олганича индамай кетиб борарди “ Наҳотки Раъно зомби бўлса ??! “ қўрқиб кетдим аммо у тирик фақат ойпарастга ўхшаб кетиб борарди мени, бизни (Севара зўр машаққат билан етиб олганди) сезмади Мен Раънонинг йўлига терс туриб олиб уни тўхтмоқчи бўлсам у худди мени кўрмаётгандек назарда дарахт деб мени айланиб ўтиб кетаётганди мен уни елкасидан ушлаб силкитсам у қилт этмайди Мен ростакамига қўрқдим узоқ барак тарафда бақириқ ва садолар келди телефон ва фонар чироқлари ёғдулари тарала бошлади Шунда бу кўзи очиқ бўла туриб ухлаётган қизни албатта Севара рухсат берди юзига бир тарсаки туширишга мажбур бўлдим Раъно таққа тўхтади ва ялт этиб менга қаради Кўзи сал хиралашганмиди титрай кетди ва оҳиста қўлимга қулади Мен ярим йўлгача уни опичлаб (Севара нариги томонидан ушлаб кетди) бараккача келдик йўлда вахима ва қўрқувдан қўрққан Асрор Халима ва командр Усмат ака хам етиб келдилар. Раънони аёллар хужрасига олиб кетишди Мен чекмасдим нимагадир қўлим қалтираб Равшан акадан битта сигарет олиб чеквордим Асрор менга ташвишли қараб қўйди Эрталабгача босинқираб алағ жалағ туш кўриб чиқдим. Эрталаб Раъно пахтага чиқмади ёнида узоқ битта қариндоши янгаси (кенайиси) қолди биз ёшлар анча жиддий ва камгап бўлиб пахтага етдик. Бугун тушликкача фақат Халима гапириб турди қолганимиз жим Фақат Севара кеча менга нажот сўраб келганча бўлган ходисани айтиб берди Қисқача мана бундан бўлибди Раъно Севара билан.учун орқа тарафга бадрафхонага чиқишган экан. Севара Раънони кутиб турган аммо Раъно қайтмаган аммо энг қўрқинчлиси хом ғиштдан чала чулпа қурилган бадрафхона ортидаги лотокдан сувнинг шалоплаган овози келган Севара шундай қараса. Раъно хатто кундуз куни хам ошиб ўта олмайдиган лотокдан оппа осон ошиб ўтиб индамай пахта даласи тарафга қараб кетаётганини кўриб қолади ва бу ерда бир гап борлигини сезади Рости ўзим қизларга ўзим ёзган мистик ҳикояларни айтиб қўрқитгандим. Шу сабаб мени излаб чопиб келган экан. Қолганини ўзингиз юқорида ўқидингиз Раъно ҳеч нарсани эслолмади ва фақат лотокдан сакраб ўтганини эслабди аммо нимага сакраб ошиб ўтган ва кимни олдига йўл олган буни билмаймиз. Ҳар холда бизнинг муддат тугашига яна уч тўрт кун бор, унгача бирор жиннилиқ қилиб қўймасин деб кўз қулоқ бўлиб турибмиз. Пахтазорда эхтиёт бўлиб юринг азизларим

#Daxshatli voqealar#314
O'xshash hikoyalar
Ehtirosli.ru   Яндекс.Метрика