#

" Yolg'iz tut daraxti "

Qadrli o'quvchim navbatdagi hikoyani yozishdan avval biroz muddat uzlatga chekinishimga to'g'ri keldi. Negaki bazi bir hikoyalarimda asosiy mavzudan chetlashgan holatlarim bo'ldi. Bugun yana qo'limga qalam olishga va asosiy mavzudan chetlashmagan holatda sizlarga navbatdagi hikoyani taqdim etishga jazm etdim. Hikoya sarlavhasini ham bejizga " Yolg'iz tut daraxti " deya tanlamadim, chunki barcha voqelik mazkur daraxtga bog'liq. Har gal xizmat safariga yo'l olar ekanman qandaydir qiziqarli voqealarga duch kelishimga to'g'ri keladi. Bu safar ham huddi shunday bo'ldi, xizmat yuzasidan chekka tumanga tashrif buyurishimga to'g'ri keldi, bu yerdagi hamkasblarim anchayin hushmuomala odamlar chiqib qolishdi, bizning xalqimizda ajoyib udum borda mehmon tashrif buyursa bor buduni uning oldiga sochadi. Chekka qishloqqa tashrif buyurgan ekanman, bu yerning aholisi ham anchayin hushmuomala ekaniga guvoh bo'ldim. Hamkasblarim bilan tezda til topishib ketdik, ishdan bo'sh vaqtlarimizda atrofni aylanishga chiqamiz hushmanzara joylar, ayniqsa qishloq havosi va atrofdagi manzalardan kishining bahri dili ochiladi. Atrofda esayotgan oxistagina mayin shaboda tanamga tetiklik bag'ishlayotgandek go'yo. Shunday qilib atrofni tomosha qilar ekanman keng adirliklar uzra ikki hamkasbim menga hamrohlik qilayotgan edilar. Ular menga har bir joy haqida maroq bilan so'zlab bera boshlagandilar, to'saddan nigohim kattagina bo'lib o'sib turgan yolg'iz tut daraxtiga tushdi. Daraxt shu qadar ulkan ediki uning tanasiga ikki kishining qulochi bazo'r yetadi, umrim bino bo'lib bunday ulkan daraxtni uchratmagandim. Bo'yi taxminan yetti metrlar atrofidagi mazkur daraxtning yaqin ellik metr atrofida hech bir giyoh ko'zga tashlanmaydi, qipyalang'och yerning o'rtasida baxaybat daraxt savlat to'kib turibdi. Uning savlat to'kib turishida ham qandaydir ulug'vorlik borga o'xshaydi.
- Bu qanday daraxt?
- Bilasizmi, bu yerda shu daraxtdan o'zga narsa o'smaydi, aholi uni yakka tut deya atashadi!
- Nega kesib yuborishmagan?
- Bir necha bor urinishgan lekin har gal qandaydir ko'ngilsizlik sodir bo'ladi, kimnidir qo'li sindi, kimningdir oyog'i, yaqin uch yildan buyon kimdir jarohat oladi, ohirgi urinish o'lim bilan yakunlandi!
- Tushunmadim?
- Mazkur hududda fermer xo'jaligi mavjud, xo'jalik rahbari Usmon aka ismli hamqishlog'ini qo'yarga qo'ymay ushbu daraxtni yiqitishga ko'ndirgan, Usmon aka ishni boshlagandan yarim soat o'tar o'tmasdan boshiga tut daraxtining kattagina shoxi qulab tushgan, eng hayratlanarlinisi shox umuman boshqa tarafda bo'lgan, bordiyu uzulib tushadigan bo'lsa ham Usmon akadan kamida bir metr nariga tushishi kerak bo'lgan, ekspertlarimiz ham buni tasdiqlashdi. Usmon aka o'sha zaxoti hushini yo'qotgandi, tumandagi shifoxanaga olib bordik, shifokorlar uch kun urinishdi jarohati anchayin jiddiy shox bosh miyyaga besh santimetr uzunlikda sanchilib qolgan, huddi kimdir atayin qilganga o'xshaydi, uchinchi kuni Usmon aka omonatini topshirdilar. Voqea joyini o'rgandik, ko'rinishidan baxtsiz hodisaga o'xshaydiyu bunga ishongimiz kelmaydi negaki Usmon akaning bosh qismiga tushgan shoxni ilgari hech kim kesishga urinmagani malum bo'ldi, shoh esa aralagan holatda, qolaversa shox aynan o'sha aralangan qismi bilan Usmon akaning boshiga tushishi yuzdan bir foiz extimollikda, bizga nomalum qandaydir kuch shoxni shunga majbur qilgandek. Bu yerga mol va qo'y boqish uchun kelgan hamda tut daraxtiga chiqgan har qanday bola albatta qandaydir ko'ngilsizlikka yo'liqadi. Yaqinda ushbu daraxt ostida uxlab qolgan ikki nafar bolakayning birini og'zi qiyshaydi yana birining esa esi og'ib qoldi, bu daraxt haqida biror nima deyish ham qiyin juda alomat daraxt, uning aniq yoshini ham hech kim bilmaydi! Hamkasbimning mazkur xikoyasini tinglar ekanman uning gaplariga ishonqiramagandek daraxtga yaxshiroq razm soldim, mazkur daraxtda inson ongi ilg'ashga qodir bo'lmagan qanday sir yashiringan bo'lishi mumkin? O'ylaganim sayin miyyamga durustroq fikr ham kelavermaydi, daraxtga yashiringan sirni anglash uchun ham bu hikoyani yozishga jazm etdim, o'ylaymanki daraxtning sirini anglashimizda o'z yordamingizni ayamaysiz degan umiddaman. E'TIBORINGIZ UCHUN RAHMAT

#Qo'rqinchli voqealar#52#yolgiz
O'xshash hikoyalar
Ehtirosli.ru   Яндекс.Метрика